BUKAN SEKADAR WOTIK TARAGANG

Reetan tokow dot tulun Kimaragang tu mantad dot wotik tarangang. Notungkusan daton mantad sid nontodon daton, maya dit tuturan tulun gulu2. Inono kabarasan mantad tokow sid Nunuk Ragang. Ogumu ot gama dot tulun monuturan. Waro no ong it tulun ot aragang nopo kokitanan kabarasan sid puun do nunuk. Waro po susunduwon dot weeg taragang kaka minangantaga dit tongo tulun siri tiya diri gisom minomioruol diri yaalo. Waro po koboros dot yaki Nunuk Ragang sinumiliw dot nunuk taragang kabarasan. Hehe... 

Ogugumu no tuturan nga posisinoon peno. Tuturanon ku nopo biano diti nga pasal diti wotik taragang. Sid boros daton inot aragang dino komoyoon nopo nga aragang nobo. Merah ka dot Malayu. Nga ogumu mari ot kapakayan diti boros dot aragang diti. Okon ko wotik no banar. Mangai pogi daton sulimadai mambaca ilo tongo suntu boros silod siba dilo, sambil moninggurup not pait manis @ kopi o kaw kurang manis.. ;p

1. "Aragang obo ot koyuwan dot tanak kosusu. Sagai pogi reetan dot ragang."

2. "Tingkadai no pogi dikoo monorulu yalo dino. Aragang nelo rabas dialo. Rumasang yalo dilo."

3. "Intangai pogi nga aragang nelo tolingo dialo, omomoluan yalo dilo."

4. "Panambaju pogi. Nai, aragang neno solot nu osidangan dilo tadau."

5. "Ba, owukan no yalo dilo tu aragang nelo pingas dialo."

6. "Momioruol dati i kuwo diri tu mad ko oposi banar tokitoku. Aso not araragang tokitanan dit munung dialo."

7. "Kakatuk ponukung dot MU owo sampai mononsulung nopo taragang kabarasan monikid tadau."

Adi kukuro no ongobpinee; Komoyoon ku nopo nga, kukuro no ot komamanon dot tulun Kimaragang makaa? Adakah (mongolos po dot boros Malayu) tulun nopo dot Kimaragang diti kakal po ugu ko ragang dit aso po ot elalaan, antawa kelo no dot rumasang ong waro ot monorulu? Waro po wokon omoomoluan po dino ong oreetan no ot kondiri yo dot tulun Kimaragang. 

Momioruol gam ot tulun tokow diti? Nga mimang nobo momioruol kadung ko dadan dot owuukan nopo sodoi adau. Waro po wokon, monukung banar dot tulun suwai ko bansa po do kondiri ot pengkokoton. AM(U)NO ka dot boboroson nga siti silo i gumayad tumanud dot tulun mantad tupak do raat.

Tupono: Aragang nogi ot susulung 'daalo' nga tokow tulun KIMARAGANG.